👩8M-DÍA INTERNACIONAL DA MULLER

Despois de escoitar o conto "Hai algo máis aburrido que ser unha princesa rosa?" (máis abaixo) e razoar sobre o tema fixemos o seguinte mural onde cada un vestiu á protagonista da historia segundo a profesión que lle gustaría ter de maior, tendo moi claro que os traballos non teñen xénero.

 

 A seguinte curta vai sobre o poder da imaxinación para derrubar os estereotipos de xénero nos contos. Vai sobre unha nena que imaxina un conto de princesas onde as rapazas son pilotos, as carrozas son coches deportivos e os bailes en palacio, emocionantes carreiras. Está inspirada en Michele Mouton, primeira muller en gañar unha carreira no Campionato Mundial de Rally en 1.981.

E como actividade de centro todos os cursos colaboramos facendo uns carteis con oracións sobre a igualdade que podedes ver nas escaleiras principais da nosa escola.